Golovkın sońǵy alty jekpe-jeginen qansha tabys tapty
ASTANA. QazAqparat - Qazaqstandyq kásipqoı boksshy Golovkın búgingi jekpe-jeginde kem degende 2,5 mln dollar aqshalaı syıaqyǵa ıe bolady, dep habarlaıdy QazAqparat tilshisi.
Ol bul kezdesýde kem degende 2,5 mln dollar aqshalaı syıaqy alady. Al onyń qarsylasy Denıel Djeıkobs 1,75 mln dollarǵa ıelik etpek.
Sonymen qatar, boksshylar PPV-satylymdardan paıyzdyq úlesin alady.
Jerlesimiz osyǵan deıin eń joǵary syıaqyny brıtanııalyq boksshy Kell Brýkqa qarsy aıqastan soń alǵan. Onda Golovkın 4 mln AQSh dollaryn enshilegen edi.
Al onyń eń alǵashqy iri tabysy 2015 jyly 21 aqpanda Ulybrıtanııa boksshysy Martın Mıýrreımen ótken jekpe-jekte tirkelgen bolatyn. Onda 1,1 mıllıon AQSh dollaryn oljalasa, ekinshi iri tabysy osy jyly 16 maı kúni AQSh boksshysy Kishi Vıllı Monromen kezdesýinde oryn aldy. Bul aıqasta 1,5 mıllıon AQSh dollaryn ıelendi. Sondaı-aq, taǵy da osy jyly qyrkúıek aıynyń 17 kúni kezekti aıqasynda kanadalyq Devıd Lememen ótken jekpe-jeginde 2 mıllıon AQSh dollary kóleminde tabys tapty.
2016 jyly 23 sáýirde AQSh boksshysy Domınık Ýeıdti utqanda taǵy da 2 mıllıon AQSh dollaryna, al osy jyly qyrkúıek aıynyń 10-y kúni Ulybrıtanııa boksshysy Kell Brýkty jeńip, sporttyq karerasyndaǵy rekordtyq tabysyna qol jetkizgen bolatyn. Búgingi jeńisindegi tabysymen qosa eseptegende Golovkın sońǵy alty kezdesýiniń qorytyndysynda 13,5 mıllıon dollar tabys tapty.
