Golovkın - Sonders jekpe-jegi nelikten 2018 jyly ótpeıdi
Basylym Golovkın men Alvarestiń qyrkúıekte ótetin ekinshi kezdesýiniń anderkartynda óner kórsetetinin málimdegen Gerı O'Sallıvannyń (28-2, 20 KO) sózderine negizge ala otyryp, osylaı jazǵan. O'Sallıvan rematch qyrkúıekte ótetinine senimdi bolyp otyr. «Spaık» búrkenshik atymen tanymal boksshy, sondaı-aq osy kezdesýdiń jeńimpazymen jeltoqsan aıynda kezdesetinin de aıtqan.
«Boksshynyń osy sózderine súıensek, Bıllı Djo Sonders 160 fýnt salmaqtaǵy eki úzdik boksshynyń birimen kezdesý múmkindigi 2019 jylǵa deıin keshigedi. O'Sallıvannyń sózine qaraǵanda, Sonders óz tıtýlyn qorǵaý úshin rematchta jeńilgenderdiń birimen kezdesýge úmit artýy múmkin. Eger «Kanelo» Golovkınnen jeńilse, Sonderspen keler jyly «Sınko de maıo» (5 mamyr - Meksıkanyń ulttyq meıramy) merekesinde jekpe-jek ótkizýi múmkin. Golovkınniń jeńisi jáne jeltoqsandaǵy O'Sallıvannan tıtýlyn qorǵaıtyn kezdesýi Sonders úmit artyp otyrǵan beldikterdi biriktirý jekpe-jegin kem degende keler jyldyń sáýirine deıin keshiktiredi», - dep jazady saıt.
