Golovkın - Sonders yqtımal jekpe-jeginiń basty sharty ataldy
ASTANA. QazAqparat - Brıtanııalyq boksshy Bıllı Djo Sonderstiń promoýteri Frenk Ýorren óz qamqorlyǵyndaǵy boksshynyń qazaqstandyq Gennadıı Golovkınmen ótýi múmkin aıqas týraly taǵy da aıtty, dep habarlaıdy Sports.kz.
«Kanelony» qashan bolsa da, tipti ol Golovkındi jeńgen jaǵdaıda da Sonderspen judyryqtasýy múmkin dep oılamaımyn. Al GGG, menińshe, osy jekpe-jekke kelisedi. Óıtkeni onda naǵyz jaýyngerdiń mentalıteti bar. Ol búkil karerasynda osyny dáleldep keledi. Eger Sonders Andradeni jeńse, álemniń úzdikteriniń birimen jekpe-jek ótkizý múmkindigin qamtamasyz etedi», - dedi Ýorren Daily Star-ǵa bergen suhbatynda.
Eske sala keteıik, Golovkın men Saýl Alvarestiń kópten kútken jekpe-jegi 15 qyrkúıek kúni ótedi. Sonders amerıkalyq Demetrıýs Andrademen 20 qazanda kezdesedi.
