Golovkın soqqysynyń qanshalyqty qýatty ekendigin pash etti
ASTANA. QazAqparat - WBA (Super), IBO, WBC jáne IBF tujyrymdary boıynsha orta salmaqta álem chempıony Gennadıı Golovkın (36-0, 33 KO) AQSh-ta ashyq jattyǵý ótkizdi. Onda jerlesimizdiń amerıkalyq Denıel Djeıkobspen kezdesýine daıyndyǵy kórsetildi, dep jazady Vestı.kz.
Málim bolǵandaı, sparrıng-áriptes retinde Golovkın aýyr salmaqtaǵy boksshylardy tańdaıdy eken. «Onyń soqqysy qatty. Beıne bir aýyr salmaqtaǵy boksshy urǵandaı soqqy jasaı alady. Bul ázil emes», - deıdi sondaı kómekshileriniń biri.
Golovkın rıngte bapkeri Abel Sanchespen jattyǵý jasap, soqqysynyń qanshalyqty qýatty ekendigin pash etti.
Eske sala keteıik, Golovkın-Djeıkobs kezdesýi 18 naýryz kúni Nıý-Iorktegi Madison Square Garden stadıonynda ótedi. Jekpe-jekti «Qazaqstan» jáne KazSport arnalary translıatsııalaıdy.
