Golovkın-Rolls aıqasynyń efırden qaı ýaqytta beriletini belgili boldy

NUR-SULTAN. QazAqparat - Qazaqstandyq boksshy Gennadıı Golovkın men kanadalyq Stıv Rolls aıqasynyń tikeleı efırden beriletin ýaqyty belgili boldy, dep habarlaıdy QazAqparat.

Bul týraly "Qazsport" arnasynyń dırektory Pavel Tsybýlın Sports.kz-ke bergen suhbatynda málim etken.

"Baqtııar Eıýbov pen Álı Ahmetov arasyndaǵy aıqas neshede beriletini ázirge belgisiz. Ol tek 8 maýsym kúni belgili bolady. Aldyn ala málimetter boıynsha olar Genanyń jekpe-jegi aldynda birinen keıin biri aıqasatyn bolady. Al Golovkın efırge tańǵy 9:00 jáne 9:30 aralyǵynda shyǵatynyn naqty aıta alamyz", - dedi ol.

Aıta keteıik, Golovkın - Rolls jekpe-jeginiń kórsetilimi 9 maýsym kúni «Qazsport» telearnasynan Nur-Sultan ýaqytymen tańǵy saǵat 06:00-den bastalady.