Golovkın - Rolls aıqasyn qaıdan tamashalaýǵa bolady

NUR-SULTAN. QazAqparat - Qazaqstandyqtar Gennadıı Golovkınniń (38-1-1, 34 KO) jeńilip kórmegen kanadalyq Stıv Rollspen (19-0, 10 KO) jekpe-jegin tikeleı efırden tamashalaı alady, dep habarlaıdy QazAqparat Sports.kz saıtyna silteme jasap.

«Qazsport» telearnasy Golovkın - Rolls jekpe-jegin tikeleı efırden kórsetedi. «Madison Square Garden-degi» (Nıý-Iork) boks keshi 9 maýsymda Nur-Sultan qalasynyń ýaqytymen 06:00-de bastalady. GGG-diń qatysýymen ótetin aıqas 09:00-ge josparlanǵan.

Eske salaıyq, jekpe-jek keshiniń anderkardynda qazaqstandyq Álı Ahmedov amerıkalyq Markýs MakDenıelmen (15-0, 2KO), Bahtııar Eıýbov AQSh-tyń taǵy bir ókili Braıan Sebalomen (8-0, 4KO) kezdesetini josparlanǵan.

Á.Ahmedov WBC tıtýly úshin synǵa túsedi.

Aıta keteıik, Golovkın men Rolls Nıý-Iork kóshesinde kóz arbasý rásimin ótkizdi. Sondaı-aq GGG bolashaqtaǵy josparymen bólisti.