Golovkın-Rolls anderkartynda shyǵatyn Álı Ahmedovtyń qarsylasy anyqtaldy

NUR-SULTAN. QazAqparat - Jeńilip kórmegen qazaqstandyq kásipqoı boksshy Álı Ahmedov (14-0, 10KO) 8 maýsymda Nıý-Iorkte amerıkalyq Abraham Hanmen jekpe-jekke shyǵady. Bul týraly VKontakte áleýmettik jelisinde «Qazaqstan kásipqoı boksy» paraqshasynda jazyldy, dep habarlaıdy QazAqparat tilshisi.

BoxRec aqparatyna sáıkes, 34 jastaǵy Abraham Han kásipqoı boksta 26 ret jeńiske (onyń 16-syn nokaýtpen) jetken. Tórt ret jeńilip, bir márte qarsylasymen teń túsken. Sońǵy ret amerıkalyq 2018 jyldyń sáýirinde sharshy alańǵa shyǵyp, tóreshilerdiń sheshimimen Entonı Dırrellden jeńilgen.

Ekinshi orta salmaqtaǵy aıqas 10 raýndqa eseptelip otyr.

Álı Ahmedovtyń (14-0, 10KO) 8 maýsymda Nıý-Iorkte ótetin Gennadıı Golovkın (38-1-1, 34KO) - Stıv Rolls (19-0, 10KO) aıqasynyń anderkartynda rıngke shyǵatyny buǵan deıin habarlanǵan bolatyn.

GGG Promotions klıenti Álı Ahmedov Gennadıı Golovkınniń jańa bapkeri Djonatan Benkspen jattyǵýda.