Golovkın pen Monro jekpe-jek aldyndaǵy salmaq ólsheý rásiminen ótti
ASTANA. QazAqparat - Keshe Gennadıı Golovkın men kishi Vıllı Monro arasynda 16 mamyr kúni Kalıfornııada bolatyn jekpe-jek aldyndaǵy salmaq ólsheý rásimi ótti, dep habarlaıdy BoxingScene.com.
Gennadıı Golovkınniń tarazydaǵy salmaǵy 165 fýntty (74,8 keli) kórsetti.
Monro aldyn ala eki ólshenýden bas tartqan bolatyn, eger ol Golovkındi jeńgen jaǵdaıda Kottoǵa qarsy ótkiziletin jekpe-jekke mindetti úmitker bolmaıdy, al WBC Ýaqytsha chempıonynyń ataǵy bos bolyp qala beredi.
Osyǵan qaramastan, Búkilálemdik boks keńesi barlyq medıtsınalyq jáne saqtandyrý shyǵyndaryn jabady, óıtkeni amerıkandyq boksshy uıymnyń tıtýldyq jekpe-jegine qatysady.
Esterińizge salsaq, Golovkın men Monro arasyndaǵy jekpe-jek 16 mamyr kúni Los-Andjeles qalasyndaǵy jańartylǵan «Forým» arenasynda ótedi. Ol Astana ýaqyty boıynsha 17 mamyr kúni shamamen saǵat 8-de bastalady, dep habarlaıdy sports.kz.
