Golovkın ózine ádeıi soqqy darytady degenge senbeımin - Freddı Roých
ASTANA. QazAqparat - Pýertorıkandyq boksshy Mıgel Kottonyń bapkeri Fredı Roých eger oǵan deıin Saýl «Kanelo» Alvaresti jeńetin bolsa, qazaqstandyq Gennadıı Golovkınmen judyryqtasatynyn rastady.
«Eger Alvarespen jekpe-jekke qol jetkizip, ony jeńsek, basqa ne isteýimiz kerek? Árıne, kelesi kezekte Golovkın. Ol myqty qarsylas, alaıda Monromen jekpe-jekte óziniń osal tustaryn kórsetip aldy. Onyń bapkeri soqqyǵa aıqasty qyzdyrý maqsatynda jol bergenin aıtady. Biraq oǵan senbeımin. Men boksshylarym ózderine soqqy darytqanyn esh ýaqytta qalamas edim», - degen Roýchtyń sózin keltirdi boxingscene.com.
Eske salsaq, búgin Denıel Gıldi nokaýtpen jeńgen Kotto alda bolatyn Alvarespen jekpe-jekke shyǵatynyn, sodan keıin eger aınyp qalmasa, qazaqstandyq Gennadıı Golovkımen kezdesýge ázir ekenin aıtty.
