Golovkın óz jankúıerlerin baspasóz máslıhatyna shaqyrdy

ASTANA. QazAqparat - WBA, WBC, IBF, IBO tujyrymdary boıynsha orta salmaqtaǵy álem chempıony Gennadıı Golovkın óz jankúıerlerin Alvarespen jekpe-jegi aldynda ótetin baspasóz máslıhatyna shaqyrdy, dep habarlaıdy  «SPORTINFORM» SAA.

«Men sizdermen seısenbi kúni Los-Andjeleste ótetin tikeleı efırdegi kezdesýdi asyǵa kútemin! Qoldaýlaryńyzǵa rahmet!», - dep jazdy Golovkın Instagram-daǵy resmı paraqshasynda.

Eske salaıyq, qazaqstandyq Gennadıı Golovkın men meksıkalyq Saýl Alvares arasyndaǵy ekinshi jekpe-jek 5 mamyrda Las-Vegastaǵy T-Mobile Arena-da ótedi. Alǵashqy resmı baspasóz máslıhaty Los-Andjeleste (Astana ýaqytymen 28 aqpan kúni tańerteń) 27 aqpanǵa josparlanǵan.