Golovkın óz tıtýlyna úmitkerdiń esimin bildi
NUR-SULTAN. QazAqparat – Halyqaralyq boks federatsııasy (IBF) orta salmaqtaǵy boksshylar reıtınginiń jańa nusqasyn jarııalady, dep habarlaıdy QazAqparat Sports.kz saıtyna silteme jasap.
Ótken jyldyń jeltoqsan aıynda Polsha sportshysy Kamıl Sheremetany (21-1, 5 KO) nokaýtqa jiberip, tıtýlyn sátti qorǵap shyqqan qazaqstandyq boksshy Gennadıı Golovkın (41-1-1, 36 KO) atalǵan sanattaǵy álem chempıony bolyp tabylady.
Reıtıngtiń jańartylǵan relızinde alǵashqy eki oryn bos. GGG-men judyryqtasqansha tizimde úshinshi orynda bolǵan Sheremeta onynshy orynǵa syrǵydy, al onyń ornyn Germanııa ókili Patrık Voıtsıtskı (14-0-1, 5 KO) basqan. Golovkınniń bolýy múmkin qarsylasy, meksıkalyq Haıme Mýngııa (36-0, 29 KO) tizimde sodan keıin tur.
Atap óteıik, IBF ázirge Golovkın men Voınıtskıdiń jekpe-jegin resmı túrde belgilegen joq.
IBF-tiń orta salmaqtaǵy TOP-15 reıtınginde sondaı-aq Qazaqstannyń taǵy úsh ókili men bir týmasy bar: Meıirim Nursultanov (14-0, 8 KO) – 9-shy oryn, Jánibek Álimhanuly (9-0, 5 KO) – 11-shi oryn, al Germanııa úshin rıngke shyǵyp júrgen Anatolıı Muratov (22-2-1, 15 KO) – 13-shi jáne Qanat Islam (27-0, 21 KO) — 14-shi oryn.
