Golovkın óz esimi jazylǵan brendpen jańa ónimdi tanystyrdy
ASTANA. QazAqparat - WBC/WBA/IBO nusqalary boıynsha orta salmaqtaǵy qazaqstandyq boksshy Gennadıı Golovkın jaqyn ýaqytta satylymǵa GGG brendimen jańa ónim túsetinin aıtty, dep habarlaıdy QazAqparat Sports.kz saıtyna silteme jasap.
«#GGG-diń jańa ónimi daıyn jáne taıaý ýaqytta satylymǵa túsedi», - dep jazdy boksshy Instagramdaǵy paraqshasynda.
Aıta keteıik, buǵan deıin Jordan brendi Nike kompanııasymen birlesip, meksıkalyq boksshy Saýl Alvarespen rematchy aldynda Gennadııdiń esimi jazylǵan jańa atrıbýtıkany shyǵarǵan bolatyn. Olar: «GGG» jáne «GGG No Draw» («Teń oıyn bolmaıdy») jazýlarymen aldynda syrmasy bar jempir, beısbolka jáne eki aq jeıde.
Golovkın men «Kanelonyń» ekinshi aıqasy aldaǵy 15 qyrkúıek kúni Las-Vegastaǵy T-Mobile Arena-da ótedi. Aıqasty otandyq eki telearna tikeleı efırden kórsetedi.
