Golovkın Mıýrreıdi besinshi raýndta nokaýtqa túsiredi - amerıkalyq BAQ
ASTANA. QazAqparat - Orta salmaqtaǵy WBA (Super), IBO jáne WBC (Interim) nusqalary boıynsha álem chempıony Gennadıı Golovkın men WBC tıtýlynyń mindetti úmitkeri brıtandyq Martın Mıýrreımen aradaǵy aıqas tanymal amerıkalyq Bleacher Report saıtynyń boljamynsha, aqpandaǵy eń basty jekpe-jekterdiń tizimine endi.
32 jastaǵy Golovkın men onyń qurdasy Mıýrreı 21 aqpanda Monakoda Salle des Étoiles arenasynda kezdesedi. Jekpe-jekti NVO telearnasy tikeleı efırde kórsetedi. Bleacher Report-tyń boljamy boıynsha, qazaqstandyq boksshy qarsylasyn besinshi raýndta nokaýtqa jiberedi. Aıta keter jaıt, aldaǵy aıqas eki sportshynyń da kásibı rıngtegi 32-inshi kezdesýi bolmaq, dep habarlaıdy Vesti.kz.
Buǵan deıin Golovkın: "Mıýrreı - qatal ári qaýipti qarsylas. Bul ázilim emes. Aldaǵy aıqas ekeýmiz úshin de ońaıǵa soqpasy anyq. Mıýrreı taıaýda Serhıo Martınes, Felıks Shtýrmamen eki qatal jekpe-jekten ótti. Mundaı myqty qarsylaspen aıqasqa shyǵý maǵan naǵyz synaq bolary sózsiz", - degen bolatyn.
