Golovkın-Mıýrreı jekpe-jegi 2015 jyldyń birinshi toqsanyndaǵy maqtaýly alǵashqy ondyqqa endi
ASTANA. QazAqparat - AQSh-tyń «BleacherReport.com» saıty 2015 jyldyń birinshi toqsanyndaǵy úzdik jekpe-jekterdiń ondyǵyn atady. Alǵashqy ondyqqa Gennadıı Golovkınniń Martın Mıýrreımen bolǵan jekpe-jegi de endi, dep habarlaıdy Sports.kz.
Atalǵan saıttyń jazýynsha, bul jekpe-jek Gennadıı úshin chempıondyq belbeý úshin jasaǵan taǵy bir qadam boldy. Biraq, myqty Martın Mıýrreı rıngte aıanbady. Mıýrreı Golovkınniń buǵan deıin kezdesken qarsylastarynyń eń myqtysy boldy.
Jekpe-jek onynshy raýndta aıaqtalýy múmkin edi. 11-shi raýndta Mıýrreıdiń ábden álsiregenin túsingen referı Lýıs Paboı jekpe-jekti raýndtyń aıaqtalýyna 50 sekýnd qalǵanda toqtatty.
