Golovkın: «Mıýrreı - myqty qarsylas»
ASTANA. QazAqparat - Orta salmaqtaǵy WBA chempıony Gennadıı Golovkın (31-0-0, 28 KO) WBC tıtýlynyń mindetti úmitkeri Martın Mıýrreımen (29-1-1, 12 KO) jekpe-jegi ózi úshin úlken synaq bolatynyna senimdi.
Eske salsaq, Golovkın men Mıýrreıdiń aıqasy 21 aqpanda Salle des Étoiles, Monte-Karlo, Monakoda ótedi.
32 jastaǵy qazaqstandyqtyń Mıýrreıdi senimdi túrde jeńý úshin kóp ter tógýine týra keledi. Bul jolǵy jeńisi boksshynyń Mıgel Kotto, Hýlıo Sezar Chaves nemese Karl Froch sııaqty juldyzdy qarsylastarymen kezdesýge jol ashady.
Sports.kz-tiń habarlaýynsha, Mıýrreıge de 2014 jylǵy sáýirde Serhıo Martınesten chempıon beldigin ala almaǵan sátsiz oıynynan keıin úzdikter tobynda qalý úshin bul jeńis asa qajet.
"Mıýrreı - qatal ári qaýipti qarsylas. Bul ázilim emes. Aldaǵy aıqas ekeýmiz úshin de ońaıǵa soqpasy anyq. Mıýrreı taıaýda Serhıo Martınes, Felıks Shtýrmamen eki qatal jekpe-jekten ótti. Mundaı myqty qarsylaspen aıqasqa shyǵý maǵan naǵyz synaq bolary sózsiz", - dedi Golovkın.
