Golovkın-Mýrata jekpe-jegi bastaldy

NUR-SULTAN. QazAqparat – «Qazaqstan» jáne «Qazsport» telearnalary kórsetip jatqan kásipqoı boks keshiniń basty jekpe-jegi bastaldy, dep habarlaıdy QazAqparat tilshisi.

Japonııanyń Saıtama qalasynda ótip jatqan kásipqoı boks keshiniń basty jekpe-jegin ótkizý úshin otandasymyz Gennadıı Golovkın (41-1-1, 36 KO) sharshy alańǵa shyqty. Ol sharshy alań ıesi Rıota Mýratamen (16-2, 13 KO) orta salmaqtaǵy WBA Super, IBF jáne IBO nusqalary boıynsha chempıondyq tıtýldar úshin judyryqtaspaq.

Kásipqoı boks keshin «Qazaqstan» jáne «Qazsport» telearnalary tikeleı efırde kórsetýde. Translıatsııa Nur-Sultan ýaqytymen 15:00-de bastaldy. Onlaın qazaqstantv jáne qazsporttv.kz saıty men «Qazaqstan.tv» mobıldi qosymshasy arqyly da kórsetiledi.

Total Sport saıty buǵan deıin Gennadıı Golovkın bul keshtegi jekpe-jek úshin 5 mln dollar kóleminde kepildendirilgen gonorar jáne oǵan qosa PPV-diń 70% úlesin alatynyn jazdy. Bul shamamen 12-15 mln dollar.

Eske salsaq, keshe «GGG» 40 jasqa toldy. Osyǵan oraı Prezıdent Qasym-Jomart Toqaev Gennadıı Golovkındi týǵan kúnimen quttyqtady.