Golovkın-Mýrata boks keshiniń alǵashqy jekpe-jegi aıaqtaldy

NUR-SULTAN. QazAqparat – Golovkın-Mýrata bokskeshiniń alǵashqy jekpe-jegi Sıýıtıro Esınonyń jeńisimen aıaqtaldy, dep habarlaıdy QazAqparat tilshisi.

Faıtkardta barlyǵy úsh tıtýldyq jekpe-jek josparlanǵan bolatyn.

Birinshi jekpe-jekte japondyq boksshylar Sıýıtıro Esıno (14-0, 11 KO) jáne Masaıýkı Ito (27-3-1, 15 KO) WBO Asia Pacific jáne OPBF jeńil salmaqtaǵy tıtýldaryna talasty. 11 raýndqa sozylǵan aıqasta Masaıýkı Ito boks barysynda alǵan jaraqatyna baılanysty jekpe-jekti ári qaraı jalǵastyra almady.

Ekinshi jekpe-jekte de rıngke jergilikti sportshylar shyǵady: Dzıýnto Nakatanı (22-0, 17 KO) jáne Rıota ıAmaýchı (8-1, 7 KO).

Al keshtiń basty jekpe-jeginde qazaqstandyq boksshy Gennadıı Golovkın (41-1-1, 36 KO) jáne japondyq Rıota Mýrata (16-2, 13 KO) WBA Super jáne IBF nusqalary boıynsha orta salmaqtaǵy álem chempıony ataǵy úshin judyryqtasady.

Total Sport saıty buǵan deıin Gennadıı Golovkın bul keshtegi jekpe-jek úshin 5 mln dollar kóleminde kepildendirilgen gonorar jáne oǵan qosa PPV-diń 70% úlesin alatynyn jazdy. Bul shamamen 12-15 mln dollar.

Kásipqoı boks keshin «Qazaqstan» jáne «Qazsport» telearnalary tikeleı efırde kórsetýde. Translıatsııa Nur-Sultan ýaqytymen 15:00-de bastaldy. Onlaın qazaqstantv jáne qazsporttv.kz saıty men «Qazaqstan.tv» mobıldi qosymshasy arqyly da kórsetiledi.