Golovkın: Múmkin bir kúnderi menen ústem kúshti sezermin, bálkim, sol kezde qorqynysh paıda bolar
ASTANA. QazAqparat - Qazaqstandyq boksshy Gennadıı Golovkın (36-0, 33 KO) Los Angeles Times bergen suhbatynda óziniń jattyǵýy jaıly aıtyp berdi, dep habarlady Sports.kz.
- Bizge zalǵa myqty jas boksshylar keledi. Biraq olar meniń jasaǵanymdy jasaı almaıdy. Bul tym kúrdeli. Osynda kelgenderdiń árqaısysy men basqasha jasaıtynymdy túsinedi. 34 jasymda ózimdi jaqsy sezinemin, denem jumys istep tur, muny túısiný psıhologııalyq turǵydan kúshimdi arttyra túsedi. Múmkin bir kúnderi menen ústem kúshti sezinermin, bálkim sol kezde qorqynysh paıda bolar.
Sondyqtan da jaǵym men moınymnyń berik bolýyna jattyǵýlar jasaımyn. Bir soqqy kúlli ómirimdi ózgertetinin jaqsy bilemin. Osynyń barlyǵyn jaqsy túsingendikten, jattyǵý jasaımyn - bul ózimdi senimdi, myqty, jaıly sezinýime múmkindik beredi. Másele meniń kúshimde ǵana emes. Bir ǵana myqty, essiz, sátti soqqyǵa arqa súıeýge bolmaıdy. Bul jerde teńgerim, taımıng, ustanym mańyzdy. Osynyń barlyǵyn biriktirgende soqqyń qýatty bola túsedi, - dedi Golovkın.
