Golovkın Meıvezermen rıngte kezdesip úlgere me?
ASTANA. QazAqparat - Meıvezer kelesi jekpe-jekte argentınalyq Markos Maıdanamen kezdesedi. Amerıkalyq aıtqandaı, karerasynyń sońyna deıin ol úsh ret rıngke shyǵady. Sonyń biri 13 qyrkúıekte bolatyn Maıdanaǵa qarsy kezdesýi, dep habarlady Daily Mail. Bul kezdesýlerdiń arasynda orta salmaqtaǵy Álem chempıony, qazaqstandyq Gennadıı Golovkınmen jekpe-jekke shyǵýy ekitalaı.
«2015 jyly mamyr jáne qyrkúıek aılarynda eki kezdesý ótkizemin. Sáıkesinshe, sporttaǵy mansabym bir jyldan soń aıaqtalady», - dep atap ótti chempıon. Bolashaqta ol óz promoýterlik Mayweather Promotions kompanııasyn damytýmen aınalyspaq.
Bes salmaq dárejesindegi Álem chempıony kishi Floıd Meıvezer álemdegi tabysy joǵary sportshylardyń biri. Aǵymdaǵy jyldyń mamyrynda Markos Maıdanaǵa qarsy shyqqan jekpe-jeginde ol kem degende 32 mıllıon dollar, Maıdana - 1,5 mıllıon dollar paıda tapty. Alaıda bul tabystyń kólemi de artýy múmkin. Ótken jyly eki kezdesýge qatysqan Meıvezer kem degende 73,5 mıllıon dollardy qaltasyna basty.
37 jastaǵy Meıvezer 46 márte jeńiske jetken (26-yn nokaýtpen). Jeńilip kórmegen. Ol úshinshi ret WBC tıtýlyn qorǵady. Maıdana tórt márte jeńilip, 35 ret jeńiske jetken (31-in nokaýtpen).
