Golovkın: «Meıvezermen kezdesý úshin salmaǵymdy 70 kelige deıin túsire alamyn»
ASTANA. QazAqparat - Qazaqstandyq kásipqoı boksshy Gennadıı Golovkın Boxing News jýrnalyna bergen suhbatynda basqa salmaqqa aýysý talaptaryn atady, dep habarlaıdy Sports.kz.
«Qazir men 160 fýntqa (72,574 kg, orta salmaq) kóńil bólip otyrmyn. Úlken jekpe-jek, ásirese Meıvezermen judyryqtasý úshin 154-155 fýntqa (69,85 kg, birinshi orta salmaq) deıin túsýge daıynmyn. Sondaı-aq men 168 fýntqa (76,203 kg, ekinshi orta salmaq) deıin kóterilýge daıynmyn, biraq uly chempıonmen judyryqtasý úshin ǵana. Alaıda bul salmaqta ózime laıyqty qarsylas kórip otyrǵan joqpyn.
168 fýnt týraly sóz qozǵaǵanda, biz birinshi kezekte kishi Hýlıo-Sesar Chavesti ataımyz - bul úlken PPV jekpe-jek bolatyn edi. Sondaı-aq Karl Froch bar. Salmaqty aýystyrý úshin bul shynymen de mańyzdy jekpe-jek bolýy tıis, áıtpese onyń máni bolmaıdy. Maǵan úlken jekpe-jekter qajet. Kóterilý sondaı qıyn emes, alaıda 168 fýntta menimen judyryqtasýǵa eshkim kelispeıdi. Eger bul salmaqqa kóterilgen jaǵdaıda, keıin ortasha dıvızıonǵa qaıtyp oralǵym keledi», - dedi Golovkın.
Gennadıı Golovkınniń rıngke qyrkúıek aıynda qaıtyp oralatyny kútilip otyr. Onyń áleýetti qarsylastarynyń short-paraqshasyna Denıel Djeıkobs, kishi Krıs ıÝbenk, Hılberto Ramıres, Erıslandı Lara jáne Bıllı Djo Sonders kirip otyr.
