Golovkın Meıýezermen judyryq túıistirýi múmkin be?
ASTANA. QazAqparat - Qazaqstandyq boksshy Gennadıı Golovkınniń (32-0, 29 KO) menedjeri Maks Germann bolashaqta Floıd kishi-Meıýezermen (47-0, 26 KO) jekpe-jek uıymdastyrý jaıynda pikirimen bólisti.
«Gennadıı aldaǵy ýaqytta Endı Lı men Pıter Kýıllın kezdesýiniń jeńimpazymen kezdesýge nıetti, sebebi ol tıtýldardy jınaǵysy keledi. Ol sonymen qatar, Mıgel Kottonyń tıtýlyna da úmitker bolyp otyr, ol da kóp uzamaı uıymdastyrylady dep oılamaımyn», - deıdi Germann Boxingscene portalyna bergen jaýabynda.
- Meıýezermen jekpe-jekke keletin bolsaq, Gennadıı úshin ol múmkin emes dúnıe sııaqty, jáı ǵana qııal bolyp qalmaq. Biz ondaı múmkindikti tipti qarastyrmaımyz da, sebebi sheshilmeıtin máseleler kóp, - dedi ol.
