Golovkın: Men úshin PPV platformasy - sporttaǵy eń bıik nátıje
ASTANA. QazAqparat - WBA nusqasy boıynsha orta salmaqtaǵy álem chempıony Gennadıı Golovkın óziniń PPV-degi alǵashqy jekpe-jegin kútýde, dep habarlandy GGG v VKontakte resmı saıtynda.
«Men úshin PPV platformasy - bul sporttaǵy eń bıik nátıje. Ol maǵan osynda alǵashqy aıqasymdy ótkizýge múmkindik berip otyr.
Bokstaǵy barlyq ataqtylar PPV-de tóbelesti, men de PPV -de 17 qazanda chempıon Davıd Lememen bolatyn alǵashqy jekpe-jegimdi kútýdemin. Men ózimniń jankúıerlerimniń qoldaýyn baǵalaımyn jáne taǵi bir este qalarlyq shoý kórsetkim keledi.
AQSh-ta osydan úsh jyl buryn bolǵan alǵashqy kezdesýime qaraǵanda meniń tanymaldylyǵym edeýir ósti, ıaǵnı men sporttyq mansabymnyń osylaı jalǵasqanyna baqyttymyn», degen Golovkınniń sózin keltiredi sports.kz.
