Golovkın men Ýord arasyndaǵy jekpe-jek kelesi jyly uıymdastyrylýy múmkin - Djeıms Prınts
ASTANA. QazAqparat - Andre Ýordtyń menedjeri bolyp tabylatyn Djeıms Prınts amerıkalyq boksshy men Qazaqstan sportshysy Gennadıı Golovkınniń arasyndaǵy jekpe-jek kelesi jyly uıymdastyrylýy múmkin ekenin aıtty, dep habarlaıdy Allboxing.ru.
«Biz osyny qalaımyz. Búgin men Gennadııdiń promoýteri Tom Lefflermen sóılestim. Basty suraǵym - «qashan?» boldy. Biz jekpe-jek kelesi jyly uıymdastyrylýy múmkin dep oılaımyz. Salmaq dárejesin talqylaǵan joqpyz. Golovkın kóterilýge qarsy emes dep oılaımyn. Onyń barlyǵy ýaqyttyń enshisinde. Jekpe-jek ótedi. Ony kútýdemiz», - degen Prıntstiń sózderin keltiredi The Sweet Science.
Qańtar aıynyń basynda Andre Ýord Roc Nation promoýterlik kompanııasymen kelisimshartqa qol qoıdy. Basylymnyń jazýynsha, oǵan qol qoıǵany úshin Ýord Roc Nation-nan 2-3 mıllıon dollar kólemindegi bonýsty alǵan. Bul rette Ýordtyń jekpe-jekter úshin kepildendirilgen gonorary jetisandyq somany quraıdy.
