Golovkın men Ýeıd betpe-bet kezdesti

WBA (Super), IBO, IBF jáne WBC (Interim) nusqalary boıynsha ortasha salmaqta álem chempıony Gennadıı Golovkın Nıý-Iorktegi baspasóz konferentsııasynda 23 sáýirde Domınık Ýeıdpen ótetin jekpe-jektiń aldynda ózin qalaı sezinip otyrǵany týraly aıtyp berdi, dep habarlaıdy Sports.kz.

«Qazirgi kezde ózimdi áldeqaıda jaqsy sezinip otyrmyn. Jańa jyl, jańa judyryqtasý. Men shattanyp otyrmyn, sebebi bul - boks. Domınık Ýeıdty qurmetteımin. Ol osyǵan deıin jeńilmegen sportshy ári mindetti úmitker. Bul óte kúrdeli. Boıymda jańa emotsııalar bar. Kim jeńetinin bilmeımin. Men Qudaı emespin. Bul boks, jigitter», - dep atap ótti qazaqstandyq boksshy.

Óz kezeginde Ýeıd aldaǵy jekpe-jekte GGG-niń jeńiske senimdi úmitker ekenine qaramastan, esh alańdaýshylyq bildirmedi.

«Men oǵan nazar aýdaryp otyrǵan joqpyn. Bul meni alańǵa shyǵyp, álemdi tańǵaldyrýǵa yntalandyra túsedi. Solaı jasamaqpyn. Men oǵan (Gennadıı Golovkın - avt.) tym artyq baǵa berildi dep oılaımyn. Jurt ony Sýpermen qylyp qoıdy. Men ony sondaı dep oılamaımyn. Onyń bokstaǵy oıynynda osal tustaryn kórip otyrmyn. Ol qarapaıym, biraq aınalasyndaǵy shý kóptegen adamdy qorqytyp otyr», - dep baıandady Ýeıd.

Eske sala keteıik, boksshylar arasyndaǵy jekpe-jek 23 sáýirde «Forým» arenasynda ótedi.

Bul Gennadıı Golovkınniń sporttyq mansabyndaǵy 35-shi jekpe-jegi bolmaq. Domınık Ýeıd 18 jekpe-jektiń 18 bárinde jeńiske jetken, sonyń 12-sin ol ýaqytynan buryn aıaqtaǵan.