Golovkın men Stıvens jekpe-jek jóninde aldyn ala kelisimge qol jetkizdi
ASTANA. 18 tamyz. QazAqparat - WBA nusqasy boıynsha ortasha salmaqta bokstan álem chempıony Gennadıı Golovkın men amerıkalyq Kertıs Stıvens jekpe-jekti ótkizý jóninde aldyn ala kelisimge keldi.
Aıqas aǵymdaǵy jyldyń 2 qarashasynda ótýi tıis, dep habarlaıdy Boxing.ru.
Eger boksshylardyń komandalary barlyq sharttar boıynsha kelisimge qol jetkizse, onda Golovkın men Stıvenstiń kezdesýi 2 qarasha kúni ótetin bolady jáne ol NVO telearnasynda kórsetiledi.
Aıta keteıik, bastapqyda Stıvenstiń múddesine ókildik etetin Main Events kompanııasy amerıkalyq boksshyǵa aıqas úshin 300 myń dollar kóleminde qalamaqy usynǵan Golovkınniń promoýteri - Tom Lefflerdiń usynysynan bas tartqan bolatyn.
Eske salaıyq, Golovkın 30 maýsym kúni ótken óziniń sońǵy jekpe-jeginde brıtandyq Mettıý Maklındi nokaýtqa jiberip, WBA nusqasy boıynsha óziniń álem chempıony ataǵyn qorǵap qaldy. Al Stıvens 4 tamyz kúni bolǵan kezdesýde meksıkalyq Saýl Romandy birinshi raýndta-aq jeńgen bolatyn.
