Golovkın men Sonderstiń jekpe-jegi qashan ótýi múmkin
ASTANA. QazAqparat - Belgili boks sholýshysy Djeff Aranoý Boxingnews24.com-ǵa daıyndaǵan materıalynda qazaqstandyq Gennadıı Golovkın men brıtandyq Bıllı Djo Sonders arasynda orta salmaqtaǵy álemniń absolıýttik chempıony ataǵy úshin ótýi múmkin jekpe-jektiń boljaldy datasyn aıtty, dep habarlaıdy «SPORTINFORM» SAA.
«Kanelo» men Golovkınniń jekpe-jegi Las-Vegastaǵy T-Mobile arenasynda boldy. Onda Alvareske kóbirek qoldaý kórsetildi. «Kanelonyń» súıikti qalasynda adamdar tóreshilerge áser etti. Eger kelesi aıqas ta sonda ótetin bolsa, Sonderstiń osy qaladaǵy tóreshilik jaıyndaǵy teorııasy durys pa degen suraq Gennadııdiń de basyn qatyrýy múmkin», - dep jazady Djeff Aranoý.
Onyń aıtýynsha, eger GGG «Kanelony» jeńse, Sonders qazaqstandyqpen judyryq túıistirý múmkindigine 2019 jyly ǵana qol jetkizýi múmkin.
«Golden Boy Promotions bas dırektory Oskar de la Hoııa 5 mamyr kúni kim jeńetinine baılanysty úshinshi jekpe-jek te bolýy múmkin ekenin aıtty. Sondyqtan da Gennadıı Golovkın men Bıllı Djo Sonders bıyl kezdese alady dep oılamaımyn», - dedi Djeff Aranoý.
