Golovkın men Sonders arasyndaǵy kezdesý Londonda ótýi múmkin

ASTANA. QazAqparat - Tanymal brıtandyq Daily Mail basylymy Bıllı Djo Sonderstiń Martın Mıýrreımen aıqasy ótpeıtindikten, Gennadıı Golovkınmen nemese Salý Alvarespen kezdesýi múmkin dep esepteıdi. Bul týraly QazAqparat Sports.kz-ke silteme jasap habarlaıdy. 

«WBO belbeýi bar Sonders qarsylassyz qaldy. Eger Sonders Golovkınmen aıqassa, jekpe-jek Anglııanyń fýtbol stadıonynda - Londondaǵy Olımpıada stadıonynda ótetin shyǵar. Golovkınge mindetti úmitkerlermen judyryqtasý qajet, al «Kanelonyń» eshqandaı mindeti joq. Ol Sondersti chempıondyq belbeýge jetýdiń eń qysqa jol retinde qarastyryp jatyr. Las-Vegas jáne T-Mobile Arena - bul aıqas úshin eń tıimdi oryn», - dep jazdy Daily Mail.

Eske salaıyq, Golovkın WBA Super, WBC, IBF jáne IBO tujyrymdary boıynsha orta salmaqtaǵy álem chempıony. Sonders - WBO belbeýiniń ıegeri. Golovkın men «Kanelonyń» qyrkúıektegi rematchy qarjylyq kelispeýshilikterge baılanysty toqtap tur.