Golovkın men Rollstyń Nıý-Iorktegi ashyq jattyǵýynyń vıdeosy jarııalandy

NUR-SULTAN. QazAqparat - Qazaqstandyq boksshy Gennadıı Golovkın (38-1-1, 34 KO) men kanadalyq Stıv Rolls (19-0, 10 KO) jekpe-jek aldyndaǵy ózderiniń daıyndyqtaryn kórsetti, dep habarlaıdy QazAqparat Sports.kz. saıtyna silteme jasap.

Boks jankúıerleri men fanattar jáne jýrnalıster úshin ashyq ótkizilgen Golovkın men Rollstyń jattyǵýlary eki boksshynyń aldaǵy kezdesýi ótetin Madison Square Garden arenasynda boldy.

Aıta keteıik, Golovkın-Rolls kezdesýi 9 maýsym kúni tań ata ótedi. Bul 37 jastaǵy qazaqstandyq boksshynyń DAZN strımıng alańyndaǵy debıýti bolmaq. Jýyrda ǵana ol jańa teleseriktespen quny 100 mln dollardy quraıtyn kelisimshartqa qol qoıdy. Kelisim talaptaryna sáıkes, qazaqstandyq boksshy DAZN alańynda eki jylda 6 kezdesý ótkizýi kerek.