Golovkın men Mýratanyń aıqasy japon boksy tarıhyndaǵy eń iri jekpe-jek bolmaq

NUR-SULTAN. QazAqparat - Gennadıı Golovkın (41-1-1, 36 KO) men Rıota Mýrata (16-2, 13 KO) jekpe-jegin uıymdastyrýǵa bólingen astronomııalyq soma belgili boldy, dep habarlaıdy QazAqparat Sports.kz-ke silteme jasap.

«Bul japon boksy tarıhyndaǵy jalpy bıýdjeti 15 mıllıard ıennen (132 mıllıon dollar) asatyn eń iri jekpe-jek bolmaq», - dep habarlady jergilikti BAQ.

Orta salmaqtaǵy WBA Super, IBF jáne IBO tıtýldary úshin ótetin Golovkın - Mýrata aıqasy Japonııanyń Saıtama qalasynda 29 jeltoqsanǵa josparlanǵan, biraq oǵan úkimet 1 jeltoqsannan bastap engizýdi kózdep otyrǵan sheteldikterdiń kirýine shekteýler kedergi bolýy múmkin. Golovkın men Muratanyń jekpe-jegine qatysty sońǵy sheshim osy aptada belgili bolady.