Golovkın men Mýrata jekpe-jek aldynda dopıng testiden ótedi
NUR-SULTAN. QazAqparat - IBF jáne IBO nusqalary boıynsha orta salmaqtaǵy álem chempıony Gennadıı Golovkın men onyń qarsylasy, WBA Super beldiginiń ıesi Rıota Mýrata Dopıngke qarsy erikti qaýymdastyq (VADA) jelisi boıynsha testileý baǵdarlamasynyń qatysýshylary boldy, dep habarlaıdy QazAqparat Sports.kz saıtyna silteme jasap.
Bul týraly uıym Twitter-degi paraqshasynda jazǵan. «VADA Gennadıı Golovkın men Rıota Mýratany 2021 jyldyń 29 jeltoqsanynda ótetin jekpe-jekke daıarlyq baǵdarlamamyzǵa oralýymen quttyqtaıdy», - delingen habarlamada.
VADA baǵdarlamasy boksshylardyń judyryqtasý aldynda jáne odan keıin tyıym salynǵan zattardy qoldanýyna kezdeısoq testten ótýin kózdeıdi. Eske sala ketsek, buǵan deıin Golovkın álem chempıonynyń úsh tıtýly úshin jekpe-jektiń ótýin reımı túrde jarııalaǵan.
