Golovkın men Martırosıan jekpe-jegine boljam jasaldy

ASTANA. QazAqparat- Inside HBO Boxing saıty aldaǵy Gennadıı Golovkın (37-0-1, 33 KO) men Vanes Martırosıannyń (36-3-1, 21 KO) jekpe-jegine boljam jasady, dep habarlaıdy Sports.kz.

«GGG-diń fızıkalyq qabileti tómendep keledi jáne ol jańa jáne kópshilikke asa tanymal emes boksshyǵa qarsy básekelesýge qıyn beıimdelip jatyr. Martırosıan ózine aıtylyp júrgen sońǵy syndardy eskerip, osy joly barlyq múmkindigin kórsetetin bolady. Alaıda ol nátıjesiz bolmaq. Golovkın Alvareske ketken ashýyn Martırosıannan alady. Golovkın jekpe-jektiń múmkin ortasynda ony nokaýtqa túsiredi», - dep jazady saıt.

Eske sala keteıik, Golovkın - Martırosıan jekpe-jegi AQSh-ta 5 mamyrda ótedi.

Foto: ringside24.com