Golovkın men «Kanelonyń» úshinshi jekpe-jegine qansha jankúıer keldi

ASTANA. QazAqparat – 17 qyrkúıekte Las-Vegasta (Nevada, AQSh) ótken Gennadıı Golovkın men Saýl «Kanelo» Alvares arasyndaǵy úshinshi jekpe-jekke qansha jankúıer kelgeni belgili boldy, dep habarlaıdy QazAqparat Sports.kz saıtyna silteme jasap.

Meksıkalyq boksshyǵa tıesili ekinshi orta salmaqtaǵy absolıýtti álem chempıony ataǵy úshin jekpe-jek T-Mobile arenasynda ótip, tóreshilerdiń biraýyzdan qabyldaǵan sheshimimen 116-112, 115-113, 115-113 esebimen Alvarestiń jeńisimen aıaqtaldy. 113. Osylaısha, Kanelo WBA, WBC, WBO, IBF jáne The Ring beldikterin saqtap qaldy.

Boxingscene.com jýrnalısi Kıt Idektiń habarlaýynsha, Golovkın- «Kanelo» arasyndaǵy boks keshine resmı túrde 19 519 adam kelgen.

2017 jyly Golovkın men «Kanelo» arasyndaǵy alǵashqy jekpe-jek teń aıaqtalsa, 2018 jyly tóreshiler kópshiliktiń sheshimimen jeńisti meksıkalyq boksshyǵa berdi.

Foto: sports.kz