Golovkın men Kanelonyń úshinshi jekpe-jegi ótetin oryn anyqtaldy

ASTANA. QazAqparat - ESPN.com portalynyń tilshisi Salvador Rodrıges meksıkalyq Saýl «Kanelo» Alvarestiń promoýteri Oskar de la Hoıanyń qazaqstandyq Gennadıı Golovkınmen bolýy múmkin úshinshi kezdesýge qatysty málimdemesine pikir bildirdi, dep habarlaıdy Sports.kz.

«Bul ıdeıa senimdi túrde aıtyla bastady. Oskar de la Hoıa da jaqynda meksıka bıligimen jáne Azteca Stadium basshysymen osy másele týraly sóılesetinin aıtty. Bul oqıǵa qyrkúıek aıyna josparlanyp otyr. Gennadıı Golovkın eń tartymdy qarsylas. Degenmen budan ózge de josparlar bar jáne olar nazarǵa alyndy»,-jazady tilshi.

Esterińizge sala keteıik, Gennadıı Golovkın «Kanelomen» eki márte kezdesti. Birinshi kezdesý ótken jyldyń qyrkúıek aıynda ótti jáne teń aıaqtaldy. Ekinshi kezdesý bıylǵy jyldyń qyrkúıek aıynda ótip, tóreshilerdiń sheshimimen jeńis meksıkalyq boksshyǵa buıyrdy. Kezdesýdiń ekeýi de Las-Vegastaǵy T-Mobile Arena-da ótti.