Golovkın men Kanelonyń úshinshi aıqasy keıinge qaldy

NUR-SULTAN. QazAqparat – Meksıkalyq boksshy Saýl Kanelo Alvares reseılik Dmıtrıı Bıvoldan oısyraı jeńildi, dep habarlaıdy QazAqparat tilshisi.

Las-Vegasta (AQSh) jeńilip kórmegen WBA chempıony, reseılik Dmıtrıı Bıvol (19-0, 11 KO) men ekinshi orta salmaqtaǵy absolıýtti álem chempıony, meksıkalyq Saýl Alvarestiń (57-1-2, 39 KO) aıqasy ótti.

Jekpe-jek reseıliktiń jeńisimen aıaqtaldy. Bul reseılik chempıonnyń mansabyndaǵy 20-synshy jeńisi, ol ázirge jeńilip kórgen joq.

Meksıkalyq kásibı mansabynda ekinshi ret jeńildi. Aıqas 12 raýndqa sozyldy.

Reseılik boksshy upaı sanymen jeńdi, tóreshiler biraýyzdan oǵan daýys berdi. Aıqastan keıin meksıkalyq birden revansh surap, reseılik oǵan kelisken.

Alvares osy joly jeńse, kúzde qazaqstandyq Gennadıı Golovkınmen kezdesýi tıis edi.

Endi qyrkúıekke Saýl Alvares pen Dmıtrıı Bıvoldyń jartylaı aýyr salmaqtaǵy WBA Super álem chempıony tıtýly úshin revansh aıqasy josparlanǵan.

Bul degenimiz qyrkúıekke josparlanǵan «Kanelonyń» qazaqstandyq Gennadıı Golovkınmen (42-1-1, 37 KO) trılogııasy keıinge qalǵanyn bildiredi.