Golovkın men Kanelo jekpe-jeginiń translıatsııasyn qaıdan kórýge bolady

NUR-SULTAN. QazAqparat – DAZN strımıngtik platformasy 17 qyrkúıekte ótetin Gennadıı Golovkın men Saýl «Kanelo» Alvarestiń úshinshi jekpe-jegi ótetin boks keshiniń aqyly translıatsııasynyń quny týraly aqparatty jarııalady. Bul týraly QazAqparat Sports.kz saıtyna silteme jasap habarlaıdy.

Shoýdyń negizgi oqıǵasy DAZN turaqty júıesinde emes, PPV júıesinde kórsetiledi. Osylaısha, AQSh-ta habar taratý quny jańa paıdalanýshylar úshin $84,99 jáne belsendi jazylýshylar úshin $64,99 bolady. Brıtandyq kórermender trılogııanyń fınalyn kórý úshin £17,98 tóleýi tıis.

Bul rette anderkartty Qazaqstan, Meksıka jáne Latyn Amerıkasynan basqa basqa aýmaqtardaǵy turaqty abonentter de paıdalana alady.

Foto: sportingnews.com