Golovkın men «Kanelo» úshinshi jekpe-jek aldynda kóz arbasty

NUR-SULTAN. QazAqparat – Qazaqstandyq boksshy Gennadıı Golovkın men meksıkalyq Saýl Alvares Las-Vegasta (AQSh, Nevada shtaty) betpe-bet qaıta kezdesti, dep habarlaıdy QazAqparat Sports.kz saıtyna silteme jasap.

Boksshylar úshinshi aıqasqa birneshe kún qalǵanda MGM Grand oıyn-saýyq kesheninde uıymdastyrylǵan «qarsy alý saltanatyna» qatysty.

Golovkın men Alvarestiń úshinshi aıqasy Qazaqstan ýaqytymen 18 qyrkúıek kúni tańerteń T-Mobile Arena-da ótedi. Dál sol jerde 2017 jáne 2018 jyldary qos boksshynyń birinshi jáne ekinshi aıqastary ótken bolatyn. Birinshi jekpe-jek tóreshilerdiń ártúrli pikirimen teń aıaqtalsa, rematchta jeńis kópshilik daýyspen meksıkalyq boksshyǵa berildi.

WBA Super, IBF jáne IBO nusqalary boıynsha orta salmaqtaǵy álem chempıony Gennadıı Golovkın óz komandasymen birge Las-Vegasqa kelgenin buǵan deıin jazǵan bolatynbyz.

Aıqas Qazsport telearnasynan kórsetiledi dep josparlanǵan. Boks keshiniń translıatsııasy Nur-Sultan ýaqytymen saǵat 5:00-de bastalady. Basty sheshýshi aıqas shamamen saǵat 8:00-de bolady.

Foto: sports.kz