Golovkın men «Kanelo» trılogııasy ótetin ýaqyt belgili boldy

NUR-SULTAN. QazAqparat - Matchroom Boxing promoýteri jáne DAZN strımıngtik platformasynyń jetekshisi Eddı Hırn Gennadıı Golovkın men Saýl Alvarestiń úshinshi jekpe-jegi 2020 jyly ótetinine senimdi, dep habarlaıdy QazAqparat Sports.kz. saıtyna silteme jasap.

Hırnniń sózinshe, trılogııa 2020 jyldyń qyrkúıeginde ótýi kerek. Onyń aldynda, ıaǵnı naýryzda Golovkın IBF nusqasy boıynsha chempıondyq belbeý úshin polıak Kamıl Sheremetamen baq synasady. Odan soń rıngke, mamyr aıynda «Kanelo» shyǵady. Meksıkalyqtyń karsylasy orta salmaqtaǵy eki álem chempıonynyń bireýi shyǵady degen boljam bar. Olar Kallým Smıt pen Bıllı Djo Sonders.

Buǵan deıin Alvares Golovkınmen jekpe-jekteri osymen bitti dep esepteıtindigin aıtqan bolatyn. Alaıda ol eger qarjylyq jaǵynan jaqsy usynys bolsa, kezdesýden bas tartpaıtynyn da bildirdi.