Golovkın men «Kanelo» promoýterleri úshinshi aıqasqa oraı pikirlerin bildirdi

ASTANA. QazAqparat - Gennadıı Golovkınniń (38-1-1, 34 KO) promoýteri Tom Leffler jáne Saýl Alvarestiń (50-1-2, 34 KO) promoýteri  Erık Gomes  úshinshi jekpe-jek ótkizýge  Las-Vegastaǵy T-Mobile Arenanyń 2019 jyly 4 mamyrǵa brondalǵany jaıly aqparatqa baılanysty túsinik berdi, dep habarlaıdy Sports.kz.

«Biz bul datany keıinge shegerdik. Olar (Golovkınniń komandasy) tek topshylaıdy. Biz «Kanelo» úshin 4 mamyrdaǵy kezdesýdi keıinge qaldyrdyq»,-dep atap ótti  Gomes.

«Bul kúndi biz emes, Golden Boy suraǵan bolatyn»,- dep tolyqtyrdy Leffler.

Atap ótsek,  Golovkın men «Kanelonyń»  alǵashqy jáne ekinshi aıqasy  Las-Vegastaǵy  T-Mobile Arenada ótken edi. Al qazirgi ýaqytta Nevada shtatynyń Sporttyq komıssııasynyń saıtynda Golden Boy Promotions jáne GGG Promotions  uıymdastyrǵan boks keshiniń  2019 jyldyń 4 mamyrynda bolatyndyǵy kórsetilgen.