Golovkın men Kanelo arasyndaǵy úshinshi jekpe-jektiń qashan ótetini belgili boldy
NUR-SULTAN. QazAqparat -Boxingnews24.com jýrnalısi Den Embroýzdyń jazýynsha, qazaqstandyq boksshy Gennadıı Golovkın 2021 jyldyń mamyr aıynda Saýl Alvarespen judyryqtasýǵa shyǵýy qarastyrylyp jatqan úsh úmitkerdiń biri. Bul – DAZN-men eki jekpe-jek týraly kelisim aıasyndaǵy aıqas bolyp tabylady, dep habarlaıdy QazAqparat Sports.kz saıtyna silteme jasap.
«DAZN-men eki jekpe-jek týraly kelisim boıynsha birinshi aıqasta «Kanelo» WBA/WBC nusqalary boıynsha sýperorta salmaqta WBC jelisi boıynsha mindetti úmitker Avnı Iyldyrymǵa qarsy shyǵady. DAZN-men kelisimshart aıasynda ekinshi jekpe-jek úshin «Kanelo» judyryqtasýǵa shyǵatyn úsh qarsylas bar: Bıllı Djo Sonders, Kaleb Plant, Gennadıı Golovkın», - dep jazady avtor.
Eske sala ketsek, meksıkalyq boksshy Saýl «Kanelo» Alvares ózi kimmen jekpe-jekke shyǵýdy qalaıtyny týraly jaýap bergen. Boksshy ózine usynylǵan qarsylastar – Golovkın jáne Meıvezerdiń arasynan ekinshisin tańdady.
Gennadıı Golovkın 19 jeltoqsanda Gollıvýdta jekpe-jek ótkizdi. Onda qazaqstandyq boksshy Polsha sportshysy Kamıl Sheremetany jeńip, orta salmaqta tıtýldyq beldikti qorǵaý sany jaǵynan rekord ornatty.
