Golovkın men Ishıdanyń kezdesýi «Qazaqstan» arnasynda tikeleı efırden kórsetiledi
ASTANA. 27 naýryz. QazAqparat - WBA jáne IBO-nyń orta salmaqtaǵy Álem chempıony qazaqstandyq kásipqoı boksshy Gennadıı Golovkınniń kezekti kezdesýi japondyq sportshy Nabýhıro Ishıdaǵa qarsy ótedi.
Sharshy alańdaǵy jekpe-jek 30 naýryz kúni Monakonyń Monte Karlo qalasynda bolady.
Ishıda rıngke 116 ret shyǵyp, 101 ret jeńiske jetti. Onyń 50-in nokaýtpen aıaqtady. 2009 jyldyń 30 tamyzynda qaıtalaý jekpe-jekke Avendanomen shyǵyp, WBA nusqasy boıynsha ýaqytsha Álem chempıony tıtýlyn jeńip alǵan bolatyn. Al 2010 jyly ekinshi ret tıtýldy qorǵaýda Rıgoberto Alvareske jol berdi.
Gennadıı Golovkın óziniń sońǵy jekpe-jegin 19 qańtar kúni «Madison Square Garden» (Nıý-Iork, AQSh) arenasynda ótkizdi jáne amerıkalyq Gabrıel Rosadony 7-shi raýndta tehnıkalyq nokaýtqa jiberip, ózine tıesili tıtýldy qorǵap qaldy.
Golovkın men Ishıdanyń kezdesýin «Qazaqstan» arnasynyń tikeleı efırinen 30 naýryz kúni saǵat 01:30-da kóre alasyzdar.
