Golovkın men Han jekpe-jegin AQSh-ta ótkizý tıimdi - Leffler
ASTANA. QazAqparat - Gennadıı Golovkınniń promoýteri Tom Leffler qazaqstandyq chempıonnyń brıtandyq Amır Hanǵa qarsy jekpe-jegi jaıly óz oıyn bildirdi.
Lefflerdiń pikirinshe, bul kórinis kóp kórermen jınaǵan bolar edi.
«Golovkın men Alvarestiń aıqasy álem boksyndaǵy erekshe oqıǵa bolar edi. Eger Han «Kanelony» jeńip, beldigin tartyp alsa, onda WBC ustanymy boıynsha ol Golovkınmen kezdesedi ne tıtýlynan aıyrylady.
Marketıngtik jáne qarjy jaǵynan Amırden túsetin paıda kóp. Frochty aıtqan kezde únemi osy jaıly sóz etemiz - oǵan brıtandyq jankúıerler shyǵady. Hanmen de osyndaı jaǵdaı. Onyń brıtandyq jankúıerlerine AQSh-taǵy Gennadııdiń jankúıerleri qosylar edi. Han-Golovkın aıqasy Ulybrıtanııada kóp adam jınasa, biraq qarjy jaǵynan alyp qarasaq. AQSh-ta ótkizý tıimdirek bolady», - dedi Leffler Sky Sports bergen suhbatynda.
Eske salsaq, Alvares-Han jekpe-jegi 7 mamyrda Las-Vegasta ótedi. Jeńimpaz Golovkınmen kezdesýge mindetti. Óz kezeginde, Golovkınniń Domınık Ýeıdpen aıqasy 23 sáýirde, Los-Andejelste ótedi.
