Golovkın men Gonsales 2016 jyly sharshy alańǵa birge shyǵýy múmkin
ASTANA. QazAqparat - Jeńilisti bilmeıtin boksshylar Gennadıı Golovkın men Roman Gonsales keler jyly kem degende bir ret bir shoý aıasynda sharshy alańǵa shyǵýy múmkin, dep habarlady Sports.kz.
Bul týraly BoxingScene.com-ge K2 Promotions basqarýshy dırektory Tom Leffler málim etti.
«Gennadıı men Roman biriktirsek, sátti kombınatsııa bolady dep oılaımyn. 2016 jylǵy alǵashqy jekpe-jegimizde osyny jasaýǵa tyrysamyz», - degen josparymen Leffler bólisti. Eske sala keteıik, buryn Gonsales Golovkın - Monro jáne Golovkın - Leme boks shoýlarynyń hedlaıneri bolǵan.
