Golovkın men Gıl kezdesýi kásibı bokstaǵy úzdik jekpe-jekterdiń qataryna endi
ASTANA. QazAqparat - WBA (Super) jáne IBO nusqasy boıynsha álem chempıony Gennadıı Golovkınniń avstralııalyq Denıel Gılǵa qarsy jekpe-jegi «Chempıonat» saıty nusqasy boıynsha kásibı boksta shilde aıyndaǵy eń úzdik jeti jekpe-jekterdiń qataryna endi, dep habarlady vesti.kz.
Bokstan orta salmaq dárejesinde WBA (Super) men IBO boıynsha álem chempıony qazaqstandyq Gennadıı Golovkın avstralııalyq boksshy Denıel Gıldi 3-shi raýndta sulatyp saldy.
Esterińizge salaıyq, G.Golovkınniń 33 jastaǵy Denıel Gılge qarsy kezdesýi 27 shildede Nıý-Iorktegi 20 myń oryndyq Madison Square Garden arenasynda ótti. Jekpe-jek HBO telearnasy arqyly 100-den astam elde kórsetildi. Bul - Gennadııdiń kásipqoı bokstaǵy 30-shy kezdesýi. Osy kezdesý barysynda Gennadıı qarsylasyn úshinshi raýndta nokaýtqa jibergen edi. Al jalpy, osy sharshy alańdaǵy judyryqtasýynda qazaqstandyq boksshy óziniń WBA chempıony tıtýlyn 11-shi ret qorǵady. Ol 30 kezdesýdiń 27-sin nokaýtpen jeńgen bolatyn.
