Golovkın men Djeıkobstyń revanshy qashan ótýi múmkin
ASTANA. QazAqparat - Boxingnews24.com saıtynyń turaqty avtory Den Embroýz Gennadıı Golovkın men Denıel Djeıkobs arasynda ótýi múmkin revanshtyń shamamen qashan bolatynyna boljam jasady, dep habarlaıdy Sports.kz.
28 sáýirde Denıel Nıý-Iorkte polshalyq Matseı Sýletskımen kezdesedi. Amerıkalyq boksshynyń promoýteri eger Djeıkobs jeńse, GGG men Saýl «Kanelo» Alvares arasyndaǵy revanshtyń jeńimpazymen judyryq túıistiretin basty úmitkerlerdiń biri bolatynyn aıtty.
«Eger qazaqstandyq boksshy 5 mamyrda HBO PPV-de «Kanelony» jeńse, osy jyldyń aıaǵyna qaraı orta salmaqtaǵy beldikterdi biriktirý úshin WBO nusqasy boıynsha álem chempıony Bıllı Djo Sonderspen kezdesýge umtylady. Golovkın jeńgen kúnniń ózinde ol 2019 jyldyń mamyrynda Alvarespen qaıta kezdesetin shyǵar. Onda Djeıkobs keler jyldyń ekinshi jartysynda Golovkın kezdesý ótkizetin boksshylardyń birine aınalady. Eger Gennadıı 5 mamyrda jeńilip qalsa, Djeıkobspen judyryqtaspaıtyn shyǵar, óıtkeni Golovkınge onyń qajeti joq. Onyń ornyna Golovkın Sonderstiń izine túsýi nemese Alvaresti taǵy da rıngke shaqyrýy múmkin. Al endi Djeıkobs Sýletskıden jeńiletin bolsa, Golovkın nemese «Kanelo» týraly umytýyna týra keledi», - dep jazdy Embroýz.
