Golovkın men Djeıkobs kezdesý aldynda sońǵy ret salmaqtaryn ólshedi
ASTANA. QazAqparat - Qazaqstandyq boksshy Gennadıı Golovkın (36-0, 33 KO) men amerıkalyq Denıel Djeıkobs (32-1, 29 KO) aıqas aldyndaǵy sońǵy salmaq ólsheý rásiminen ótti, dep habarlaıdy Sports.kz.
Golovkınniń salmaǵy 159,6 (72,4 keli), al Djeıkobstiki - 159,8 (72,5 keli) fýntty quraıdy.
Eske sala keteıik, aıqasqa bir aı qalǵanǵa deıin GGG - 165,1 fýnt, Djeıkobs 174,8 fýnt bolatyn. Al, jekpe-jekke bir jeti qalǵanda Golovkınniń salmaǵy 162 fýntty (73,5 keli), amerıkalyqtyń salmaǵy 167,8 fýntty (76,1 keli) qurady.
Jekpe-jek 18 naýryz kúni Nıý-Iorktiń Madison Square Garden arenasynda ótedi.
