Golovkın men Djeıkobs aıqasqa bir apta qalǵanda salmaqtaryn ólshedi

ASTANA. QazAqparat - Qazaqstandyq boksshy Gennadıı Golovkınniń (36-0, 33 KO) promoýteri Tom Leffler Boxingscene.com-ǵa bergen suhbatynda óziniń qamqorlyǵyndaǵy sportshynyń, sondaı-aq onyń qarsylasy - amerıkalyq Denıel Djeıkobstyń (32-1, 29 KO) salmaǵyn aıtyp berdi, dep habarlaıdy QazAqparat.

Sports.kz saıtynyń jazýynsha, jekpe-jekke bir jeti qalǵanda Golovkınniń salmaǵy 162 fýntty (73,5 keli), amerıkalyqtyń salmaǵy 167,8 fýntty (76,1 keli) quraıdy. Eske salaıyq, aıqasqa 30 kún qalǵanǵa deıin GGG - 165,1 fýnt, Djeıkobs 174,8 fýnt bolatyn.

Golovkın - Djeıkobs aıqasy 18 naýryz kúni Nıý-Iorktegi Madison Square Garden alańynda ótedi. Al 17 naýryzda, jergilikti ýaqyt boıynsha 09:00-de (Astana boıynsha 20:00-de) boksshylar salmaq ólsheý rásiminen qaıta ótedi .

Atalǵan jekpe-jekti qazaqstandyqtar 19 naýryz kúni tikeleı efırden kóre alady.