Golovkın men DAZN kelisimi synǵa ushyrady

ASTANA. QazAqparat - Sýper orta salmaqtaǵy álemniń eks-chempıony Kaleb Trýaks qazaqstandyq boksshy Gennadıı Golovkınniń DAZN strımıngtik servısimen jasasqan kelisimshartyn aqylǵa qonymsyz dep sanaıdy, dep habarlaıdy QazAqparat Sports.kz silteme jasap.

«Men onyń úsh jyldyq kelisimshart jasasqanyna tań qalamyn. Onyń jasy 36-da, sol sebepti mundaı kelisim shynymen de tańǵalarlyq qoı. DAZN-nyń da mundaı uzaq merzimge kelisimshart jasaǵany qyzyq eken», - dedi Trýaks Express.co.uk-ke bergen suhbatynda.

Aıta keteıik, Golovkınniń DAZN strımıngtik servısimen jasasqan kelisimsharty úsh jylǵa arnalǵan. Bul merzimde ol ár jyl saıyn ekeýden - barlyǵy alty jekpe-jek ótkizedi. Alǵashqy kezdesý maýsymda bolady, alaıda qarsylasynyń esimi men jekpe-jek ýaqyty ázirge jarııalanǵan joq.