Golovkın men Chavestiń jekpe-jegi Kalıfornııada ótýi múmkin
ASTANA. QazAqparat - Kásipqoı boksta áli jeńilip kórmegen Gennadıı Golovkın bıyl jazda osy salmaqtyń burynǵy chempıony - kishi Hýlıo Sesar Chavespen kezdesýge daıyn, dep habarlaıdy sports.kz saıty.
Promoýterlerdiń aıtýynsha, boksshylar 12 shilde kúni Kalıfornııa shtatynyń Inglvýd qalasynda kezdesý ótkizýi múmkin.
Golovkınniń (29 jekpe-jek, 29 jeńis, 26 - nokaýtpen) sáýir aıynyń sońynda Endı Lımen kezdesýi ótýi tıis edi. Biraq ol ákesiniń qaıtys bolýyna oraı odan bas tartty. Qazirgi ýaqyta boksshy óziniń januıasymen birge.
Chaves (1 jeńilis,1 teń túsý, 48 jeńis, 32 - nokaýtpen) senbi kúni San-Antonıoda ótken óziniń sońǵy jekpe-jeginde Braıan Verany jeńgen bolatyn. Golovkınniń promoýteri Tom Leffler meksıkalyq boksshynyń promoýterlerimen kelissóz júrgizgendigin aıtýda.
Eki boksshy da kezdesý ótkizýge qulyqty ekendikterin bildirdi.
«Bul jekpe-jekti Gennadıı árqashan qalaıtyn»,- deıdi Leffler. -Barlyǵy sátti ótedi degen úmittemiz. Chaves ataǵy jer jarǵan boksshy, sondyqtan ekeýiniń jekpe-jegi úlken qyzyǵýshylyqqa ıe bolady dep sanaımyn».
