Golovkın men Chaveske artyq salmaq úshin aıyppul 1 mln. dollardy quraıdy
ASTANA. QazAqparat - Top Rank promoýterlik kompanııasynyń basshysy Bob Arýmnyń málimetinshe, qazaqstandyq Gennadıı Golovkın men meksıkandyq Hýlıo Sezar kishi Chavestiń arasyndaǵy jekpe-jektiń aldyndaǵy ólsheý kezinde salmaq lımıtiniń basymdyǵy úshin aıyppulǵa qatysty másele sheshildi.
Boksshylardyń kez kelgeni salmaq lımıtinen asqany úshin óziniń qarsylasyna bir mıllıon dollar kóleminde aıyppul tóleýge mindetti boldy. «Biz bul máseleni sheshtik. Eger de taraptar salmaq basymdyǵyna jol berse, onda qarsylasyna mıllıon dollar tóleıdi», - dedi Bob Arým.
Esterińizge sala keteıik, jekpe-jek orta salmaqta dárejesinde ótedi (76,2 keli). Osy doda boıynsha kelissózder aıaqtalǵan joq, alaıda qazirgi kezde jekpe-jek Brazılııada uıymdastyrylatyn fýtboldan álem chempıonaty matchimen qatar kelmes úshin onyń datasyn shegerý týraly sheshim shyǵaryldy. Osy arqyly Gennadıı Golovkın men Hýlıo Sezar kishi Chavestiń arasyndaǵy kezdesý burynǵy jospar boıynsha 12 shildede emes, 19 shildede ótýi múmkin, dep jazady Vesti.kz.
