Golovkın men Álimhanulynyń ESPN reıtıngisindegi orny belgili boldy

ASTANA. QazAqparat - ESPN telearnasynyń saıtynda barlyq salmaq dárejesindegi boksshylar reıtınginiń jańartylǵan nusqasy jarııalandy, dep habarlaıdy QazAqparat Sports.kz saıtyna silteme jasap.

Reıtıngide orta salmaqtaǵy qazaqstandyq álem chempıondary Gennadıı Golovkın men Jánibek Álimhanulynyń oryndary ózgergen joq.
Úzdik «úshtik» te ózgerissiz qaldy: tizimde birinshi orynda WBC álem chempıony Djermall Charlo esimi tursa, ekinshi orynda WBA Super, IBF jáne IBO tıtýldarynyń ıegeri Golovkın men Demetrıýs Andrade ornalasqan. Álimhanulyna kelsek, ol brıtandyq Denzel Bentlımen jekpe-jekte jeńiske jetip, WBO álem chempıony ataǵyn sátti qorǵaǵanymen, tizimde tórtinshi orynda qaldy.
ESPN orta salmaqtaǵy tolyq reıtıngi kelesideı:
1. Djermall Charlo (AQSh)
2. Gennadıı Golovkın (Qazaqstan)
3. Demetrıýs Andrade (AQSh)
4. Jánibek Álimhanuly (Qazaqstan)
5. Rıota Mýrata (Japonııa)
6. Haıme Mýngıa (Meksıka)
7. Krıs ıÝbank kishi (Ulybrıtanııa)
8. Karlos Adames (Domınıkan Respýblıkasy)
9. Erıslandı Lara (Kýba)
10. Eskıva Falkao (Brazılııa)

Foto: sports.kz